ჩვენი სკოლის X კლასში ჩატარდა პრეზენტაცია თემაზე ,,ცილების მოგზაურობა”. მოსწავლეებმა განიხილეს მცენარის, ცხოველის, სოკოს აგებულება და წარმოაჩინეს ცილების მნიშვნელობა.

მეორე და მესამეკლასელები ეწვივნენ “ექსპერიმენტარიუმს”, დაათვალიერეს ექსპონატები, მიიღეს მონაწილეობა სხვადასხვა ექსპერიმენტში, დაესწრნენ აზოტის შოუს

         საქართველოში ქრისტიანობის გავრცელების 1700    წლისთავთან დაკავშირებით 2026 წლის 29 მაისს ბიზნეს   სკოლის მიერ მოწვეულ იქნა კორნელი კეკელიძის    სახელობის ხელნაწერთა ეროვნული ცენტრის დირექტორი,   ისტორიის მეცნიერებათა დოქტორი, პროფესორი ზაზა    აბაშიძე. მან უფროსკლასელი მოსწავლეებისა და სკოლის   პედაგოგებისათვის წაიკითხა ლექცია, რამაც უდიდესი
ინტერესი გამოიწვია და სკოლას სამახსოვროდ გადასცა   მისივე რედაქციით ახლად გამოცემული „ქართლის    ცხოვრების“ მესამე ტომი ავტოგრაფით.

 ჩვენი სკოლის მეათე კლასის მოსწავლეებმა მუსიკის გაკვეთილზე შექმნეს პროექტი ზაქარია ფალიაშვილის   შესახებ. ბავშვებმა დამოუკიდებლად იმუშავეს: ეწვივნენ თბილისის ოპერისა და ბალეტის სახელმწიფო თეატრს,  მოიძიეს და დაამუშავეს საინტერესო მასალა. მათ დიდი პასუხისმგებლობითა და ინტერესით წარმოაჩინეს კომპოზიტორის ცხოვრება და შემოქმედება. პროექტის მონაწილეებმა ნამდვილად შეძლეს მსმენელისთვის გასაგებად და საინტერესოდ გაეცნოთ ზაქარია ფალიაშვილის  მუსიკალური მემკვიდრეობა და შემოქმედებითი გზა.

პედაგოგი :  ლელა შაოშვილი

 23 მაისს კავკასიის უნივერსიტეტში გაიმართა კიბერუსაფრთხოების ლიგა სკოლის მოსწავლეებისთვის. ჩვენი სკოლის X-XI – კლასის მოსწავლეებმა მიიღეს მონაწილეობა ჰაკათონში, რისთვისაც გადაეცათ სიგელები

შ.პ.ს ,,მჭევრის“ დამოუკიდებელი ბიზნეს სკოლის დაწყებითი კლასების მოსწავლეთა შორის ჩემპიონატი ჭადრაკში

1 ადგილი – საბა მდივნიშვილი
2 ადგილი- იოანე გელაშვილი
3 ადგილი- ანდრია გულბანი

ჩემპიონატი უფროს კლასელებს შორის

1 ადგილი – დემეტრე გელაშვილი
2 ადგილი- ლუკა მგალობლიშვილი
3 ადგილი – ნიკოლოზ ჯიქურაშვილი

      ინტეგრირებული გაკვეთილის – „იდუმალი ეგვიპტე“ ფარგლებში, ხელოვნებისა და ისტ-ის მიმართულებების გაერთიანებით, მოსწავლეებმა საინტერესო და მრავალფეროვანი პრეზენტაცია წარმოადგინეს. ბავშვებმა ისაუბრეს ძველი ეგვიპტის კულტურისა და ცივილიზაციის მნიშვნელოვან საკითხებზე: ნილოსის მნიშვნელობაზე, ეგვიპტურ ქანდაკებასა და ფერწერაზე, მუმიფიცირების პროცესზე, ეგვიპტელთა რწმენა-წარმოდგენებზე, პირამიდებზე, კარნაკის ტაძარსა და იეროგლიფურ დამწერლობაზე.

       გაკვეთილი პრაქტიკული აქტივობებითაც იყო დატვირთული.  მოსწავლეებმა კომპიუტერული პროგრამების გამოყენებით შექმნეს პირამიდისა და კარნაკის ტაძრის მაკეტები ნილოსის ფონზე. ასევე, მათ წარმოადგინეს ეგვიპტური თემატიკის სუვენირები, რომლებიც საკუთარი ხელით დაამზადეს. პრეზენტაცია საინტერესო, შემოქმედებითი და შემეცნებითი გამოვიდა, რამაც მოსწავლეებს საშუალება მისცა, უკეთ გაცნობოდნენ ძველი ეგვიპტის უნიკალურ კულტურასა და ხელოვნებას.    მოსწავლეებს გადაეცათ სიგელები აქტიური მონაწილეობისათვის.

  კლასი:  VI

  პედაგოგები:  ნატა გოგატიშვილი,  ხათუნა გულიაშვილი

     ასე ავღნიშნეთ დედამიწის დღე ჩვენს სკოლაში: მოსწავლეებმა წარადგინეს პრეზენტაციები, გააკეთეს პოსტერები, გაეცნენ უამრავ ინფორმაციას დედამიწის შესახებ ,მიიღეს მონაწილეობა ინტერაქტიულ ვიქტორინებში

  ჩვენი სკოლის მოსწავლეებმა ბრწყინვალედ იასპარეზეს „კინგსის“ ოლიმპიადაზე და ღირსეულად წარმოაჩინეს როგორც საკუთარი შესაძლებლობები, ისე ჩვენი სასწავლო სივრცე.           ნუცი ჩხიტუნიძემ ინგლისურ ენაში პირველი ადგილი მოიპოვა და ოქროს მედლით დაჯილდოვდა.   

     ტიტე გაგოშიძემ კი ორმაგი გამარჯვება მოიპოვა: ინგლისურ ენაში დაიკავა პირველი ადგილი და ოქროს მედალი მოიპოვა, ხოლო მათემატიკაში ბრინჯაოს მედლით დაჯილდოვდა.

     ეს გამარჯვებები კიდევ ერთხელ ადასტურებს, რომ მიზანდასახულობა, ცოდნის სიყვარული და დაუღალავი შრომა აუცილებლად იძლევა შედეგს.

        გულითადად ვულოცავთ ნუცის და ტიტეს ამ მნიშვნელოვან მიღწევებს! ვუსურვებთ მათ კიდევ უფრო დიდ წარმატებებს, ახალ გამარჯვებებს და დაუვიწყარ გამოცდილებას მომავალში!

  სკოლაში დაწყებით კლასებში ჩატარდა ი.გოგებაშვილის “დედაენის” შედგენიდან 150 წლისადმი მიძღვნილი კალიგრაფიის კონკურსი.

       “დედა ენის” გამოცემის 150 წლისთავისადმი მიძღვნილ კვირეულში მეოთხე ლასის მოსწავლეებმა წარადგინეს პრეზენტაცია იაკობ გოგებაშვილის ბიოგრაფიაზე.

“დედა ენის” გამოცემის 150 წლისთავისადმი მიძღვნილ კვირეულში I – IV კლასის მოსწავლეებმა წარმოადგინეს სურათები ციფრულ საგანმანათლებლო რესურსში ,,ვსწავლობთ თამაშით”

    “დედა ენის” გამოცემის 150 წლისთავისადმი მიძღვნილ კვირეულში მესამეკლასელებმა წარმოადგინეს პრეზენტაცია, თემაზე: “დედა ენის” შექმნის ისტორია

,,დედა ენის” გამოცემის 150 წლისთავისადმი მიძღვნილი კვირეულისთვის ,,მჭევრის” დამოუკიდებელ ბიზნეს სკოლაში განახლდა ქართული ენის და ლიტერატურის კაბინეტი

      დედის დღესთან დაკავშირებით, I-IV კლასის მოსწავლეებმა შექმნეს ციფრული ნამუშევრები ,,დედა მიყვარხარ”. თავისი სიტყვებით მოეფერნენ დედიკოებს და მიულოცეს ქალთა საერთაშორისო დღეც.

 დედის დღესთან დაკავშირებით, მესამე კლასის მოსწავლეებმა გამართეს ლიტერატურული კომპოზიცია ” დედა, მიყვარხარ”

          მეორე კლასის მოსწავლეებმა ქალთა და დედის დღის აღსანიშნავად გამართეს ლიტერატურულ-მუსიკალური კომპოზიცია “დედა, მიყვარხარ!”

19 თებერვალს გაიმართა პრეზენტაცია თემაზე: ,,ნაწლავღრუიანი ცხოველების აგებულება”

4  თებერვალს, მე-3 კლასში, ჩატარდა პრეზენტაცია თემაზე ,, ბუნებრივი მოვლენები”. მოსწავლეებმა ისაუბრეს სტიქიური მოვლენების შესახებ. როგორ ინგრევა შენობები, ნადგურდება ნათესები, ფერხდება ავტომომსახურება და მატარებლების გადაადგილება.

წიგნის კითხვის საერთაშორისო დღესთან დაკავშირებით ჩვენი სკოლის ბავშვებმა თავის ხელით მოხატეს და დაამზადეს წიგნის სანიშნეები , რაც მოსწავლეებისთვის მეტად სახალისო და საინტერესო აღმოჩნდა

საახალწლოდ მე-2კლასის მოსწავლეებმა გამართეს ლიტერატურულ-მუსიკალური კომპოზიცია ვაჟა-ფშაველას “სათაგურის” მიხედვით

III კლასის მოსწავლეებმა წარმოადგინეს საახალწლო სპექტაკლი , “პატარა ნაძვის ხე”.

III კლასის მოსწავლეები იყვნენ სოციალურ საწარმოში “პოტერია“. მათ იმუშავეს თიხაზე, გამოძერწეს და მოხატეს ჯამები

მე-10 კლასის მოსწავლეებმა ჩაატარეს პროექტი თემაზე ,,აღმოსავლეთ საქართველოს მთიანეთის რიტუალები და ტრადიციები”. მოსწავლეებმა შეძლებისდაგვარად მოიძიეს მასალა და თემა მეტად საინტერესოდ წარმოადგინეს.

22 დეკემბერს 7-ე კლასში ჩატარდა პრეზენტაცია თემაზე : “ვირუსული და ბაქტერიული დაავადებები”- მომხსენებელი მეა იაშვილი.

ჩვენს სკოლაში საახალწლო ფუსფუსია….

I-IV კლასის მოსწავლეები ეწვივნენ საქართველოს ხელოვნების სასახლის -კულტურის ისტორიის მუზეუმს, სადაც გაიგეს თუ როგორ იცვლებოდა შობის დღესასწაული ეპოქიდან ეპოქამდე, ასევე    პატარებმა საკუთარი ხელებით შექმნეს საახალწლო სუვენირი

 მე-6 კლასში განხორციელდა პროექტი “მეღვინეობა და ტურიზმი კახეთში.”მოსწავლეებს მიეცათ დავალება გაეკეთებინათ კახური ღვინის რეკლამა და მოეწვიათ ტურისტები კახეთში.მათ ჰქონდათ არჩევანის საშუალება-შეეძლოთ ჩაეწერათ ვიდეორგოლი ან დაემზადებინათ სარეკლამო ბუკლეტი.

ჩვენი სკოლის მოსწავლეები ესტუმრნენ ხელოვნების სასახლეს, სადაც გამორჩეულად საინტერესო ექსპოზიცია
,, ბაგრატიონები” დაათვალიერეს. ჩვენი ქვეყნის ათასწლოვანი სამეფო დინასტიის გადარჩენილი ნივთებისა და პორტრეტების ნახვამ კიდევ ერთხელ დაგვარწმუნა, როგორი დიდებული, უნიკალური და საამაყო წარსული გვაქვს. ეს ის ექსპოზიციაა, რომელიც საუკუნეში ერთხელ გამოიფინება და მისი ნახვის შესაძლებლობის ხელიდან გაშვება არაფრით არ შეიძლება.
მოსწავლეები აღფრთოვანებას ვერ მალავდნენ და დარწმუნებული ვართ დიდხანს გაყვებათ განცდილი ემოცია და მშობლიური ქვეყნის წარსულთან შეხებით ღირსეულად გააგრძელებენ მომავალს.
ღონისძიებაში მონაწილეობდნენ VI – XI კლასების მოსწავლეები. მათ ახლდათ სკოლის ქართული ენისა და ლიტერატურის პედაგოგი ია ჩიხლაძე და გვანცა ბოღლოციშვილი. მუსიკის პედაგოგი ლელა შაოშვილი.

ჩვენს სკოლაში განხორციელდა წარჩინებულთათვის  სამკერდე   ნიშნის  გადაცემა  სტიპენდიანტ   მოსწავლეებზე

ჩვენს სკოლაში საშემოდგომო ფუსფუსი გრძელდება პედაგოგ ნატა გოგატიშვილთან ერთად

ჩვენს სკოლაში საშემოდგომო ფუსფუსია. ჩვენს საყვარელ პედაგოგ ნატა გოგატიშვილთან ერთად ვაგრძელებთ მუშაობას.

ჩვენი სკოლის მეორე კლასი იყო ექსკურსიაზე მარტყოფის ღვთაების სახელობის მამათა მონასტერში. ბავშვებმა დაათვალიერეს მონასტერი და გადაიღეს სამახსოვრო სურათები

23 მაისს მე-5 კლასელებმა წარმოადგინეს პრეზენტაცია გერმანულ ენასა და ლიტერატურაში,თემაზე”ოჯახი”,(გერმანული ენის პედაგოგი-თეო დევდარიანი).
თემატური მასალის პრეზენტაცია მოსწავლეებმა გამართეს მათი საყვარელი უცხოელი და ქართველი ფეხბურთელების ოჯახის წარმოდგენით.ძალიან საინტერესო აღმოჩნდა დამსწრე საზოგადოებისთვის ამ ნოვატორული იდეით წარმოდგენილი პრეზენტაცია.ბოლოს მადლობა გადაუხადეს საინტერესო შეხვედრისთვის მოსწავლეებს და პედაგოგს.საგულუსხმოა,რომ მეხუთე კლასელებმა სწორედ წელს დაიწყეს გერმანული ენის შესწავლა და ასე ბეჯითად შესრულებული წარმოდგენა თითოეული მათი კუმირის გერმანულ ენაზე,მართლაც იმსახურებდა ქებას და პოზიტიურ შეფასებას.წარმატებები ვუსურვოთ მათ ამ ენის შესწავლის მომდევნო საფეხურებზე

პირველი კლასის გამოსაშვები ღონისძიება”დედაენის ზღაპრულ სამყაროში” მოსწავლეებმა განასახიერეს ი.გოგებაშვილის მოთხრობები

7 მაისს ბიზნეს სკოლაში გაიმართა საერთაშორისო კვლევის “pisa2025”-ის ონლაინ ტესტირების სესია.
კვლევა ტარდება საბუნებისმეტყველო მეცნიერებების მიმართულებით. ჩართულია კვლევის ეროვნული ცენტრი და სამინისტრო.
კვლევაში ჩართულ მონაწილეებსა და კოორდინატორს ორგანიზატორებისაგან გადაეცათ საჩუქრები.
სკოლა მადლობას უხდის მოსწავლეებს, კვლევის კოორდინატორსა და ტესტირების ჩამტარებელს, ინფორმაციული და საკომუნიკაციო ტექნოლოგიების მასწავლებელს, ნათია ნიკოლიშვილს.
ჩვენ დავსვამთ ქვეყნის პინს განათლების რუკაზე!

I დაIIკლასის მოსწავლეები ეწვივნენ გარდენია შევარნაძეს, დაესწრნენ “მწვანე გაკვეთილს”, დაათვალიერეს მცენარეები და მოისმინეს ინფორმაცია მათ შესახებ, ასევე მოხატეს ქოთნები და ჩარგეს მცენარეები.

დედამიწის დღესთან დაკავშირებით სკოლაში ჩვენმა ბავშვებმა
მრავალი საინტერესო აქტივობა განახორციელეს🌍🌿💙

სააღდგომო სამზადისია ჩვენს სკოლაში🌿 მოსწავლეებმა აღდგომის დღესთან დაკავშირებით
შეღებეს კვერცხები და შექმნეს ხელნაკეთი ნამუშევრები. პედაგოგი – ნატა გოგატიშვილი

ქართული მარტო ენაა?
💞ქართული ქართველთ რწმენაა !
💞ღმერთია ! ბედისწერაა !
💞ზღვა როა, – იმოდენაა !
14 აპრილს, ქართული ენისა და ლიტერატურის გაკვეთილზე ჩავატარეთ დედა ენის დღისადმი მიძღვნილი საპრეზენტაციო გაკვეთილი, აუდიტორიად კი ჩვენმა მე-4 კლასელებმა , აირჩიეს მე -3 კლასელები . მოსწავლეებმა წაიკითხეს დედა ენის დღისადმი მიძღვნილი ლექსები , ასევე ვუჩვენეთ საინფორმაციო ვიდეო დედა ენის დაცვის დღესთან დაკავშირებით და მოსწავლეებს გავაცანით თუ როგორ ჩაეყარა საფუძველი 1978 წლის 14 აპრილიდან დედა ენის დღეს.
📖ერთად გავუფრთხილდეთ ქართულ ენას, როგორც ჩვენი ხის ფესვებს. დავიცვათ, ვისწავლოთ და ვიხაროთ მისი სილამაზით ყოველდღე.

17-24 მარტს ჩატარდა სკოლის ჩემპიონატი ჭადრაკში დაწყებითი კლასების მოსწავლეთა შორის.

I ადგილი – თაკო მებონია

II ადგილი – საბა მდივნიშვილი

III ადგილი – იოანე გელაშვილი

25-31 მარტს კი ჩატარდა უფროსი კლასების მოსწავლეთა შორის.

II ადგილი დავით ცაძიკიძე

III ადგილი ლევან ჩიქოვანი

სკოლის ჩემპიონი გახდა დემეტრე გელაშვილი. ვულოცავთ დემეტრეს წარმატებას.

მოსწავლეები „კოკა-კოლას“ საწარმოს ესტუმრნენ – ინოვაციური წარმოების გამოცდილება ახლოდან

შპს მჭევრის დამოუკიდებელი ბისნეს სკოლის მოსწავლეები გიორგი ორაგველიძის ორგანიზატორობით ეწვივნენ „კოკა-კოლას“ საწარმოს და გაეცნენ მისი წარმოების პროცესს. ვიზიტი მიზნად ისახავდა მოსწავლეთა პრაქტიკული ცოდნის გაღრმავებას და ბიზნესის ფუნქციონირების შესახებ წარმოდგენის შექმნას.

ვიზიტის ფარგლებში მოსწავლეებმა დაათვალიერეს საწარმოო ხაზები, სადაც ისინი გაეცნენ სასმელების წარმოების თანამედროვე ტექნოლოგიებს, ხარისხის კონტროლის პროცესსა და გარემოსდაცვითი მდგრადობის ინიციატივებს. სპეციალისტებმა დეტალურად აუხსნეს, როგორ ხდება პროდუქციის შექმნა ნედლეულის მიღებიდან მის საბოლოო შეფუთვამდე.

ვიზიტის ბოლოს მოსწავლეებმა აქტიური მონაწილეობა მიიღეს კითხვა-პასუხის სესიაში, სადაც „კოკა-კოლას“ წარმომადგენლებმა მათ სხვადასხვა საინტერესო თემაზე ესაუბრნენ, მათ შორის კომპანიის სოციალური პასუხისმგებლობის პროგრამებზე და ინოვაციებზე.

ვიზიტი „კოკა-კოლას“ საწარმოში მოსწავლეებისთვის არა მხოლოდ საგანმანათლებლო, არამედ შთამბეჭდავი გამოცდილებაც იყო, რომელიც მათ დაეხმარება ბიზნესისა და მეწარმეობის უკეთ გაგებაში

მოსწავლეები საქართველოს ინოვაციებისა და ტექნოლოგიების სააგენტოს თბილისის ტექნოპარკს ეწვივნენ

შ.პ.ს მჭევრის დამოუკიდებელი ბიზნეს სკოლის მე-9 და მე-10 კლასის მოსწავლეებმა, გიორგი ორაგველიძის ორგანიზატორობით, თბილისი ტექნოპარკში საგანმანათლებლო ვიზიტი განახორციელეს, რომლის მიზანი იყო მათთვის ინოვაციებისა და თანამედროვე ტექნოლოგიების სამყაროს გაცნობა. ვიზიტი საქართველოს ინოვაციებისა და ტექნოლოგიების სააგენტოს (GITA) მხარდაჭერით გაიმართა და მოსწავლეებს შესაძლებლობა ჰქონდათ, უშუალოდ ეხილათ, როგორ ვითარდება ინოვაციური ეკოსისტემა საქართველოში.

ვიზიტის ფარგლებში მოსწავლეები გაეცნენ ტექნოპარკის ინფრასტრუქტურას, მათ შორის ინოვაციური ლაბორატორიებს, სტარტაპ აქსელერატორებსა და ერთობლივი მუშაობის (co-working) სივრცეებს. მათ ასევე მოისმინეს პრეზენტაციები ტექნოპარკის საქმიანობის, საქართველოს სტარტაპ ეკოსისტემის განვითარების პროგრამებისა და სამეწარმეო ინიციატივების შესახებ.

ტექნოპარკის წარმომადგენლებმა მოსწავლეებს გააცნეს 3D ბეჭდვის, რობოტიკის, ხელოვნური ინტელექტის და სხვა თანამედროვე ტექნოლოგიების განვითარების ტრენდები, რაც მათ ინოვაციებისა და ბიზნესის მომავალზე დაფიქრებისკენ უბიძგებს.

ვიზიტის ბოლოს მოსწავლეებმა მონაწილეობა მიიღეს კითხვა-პასუხის სესიაში, სადაც მათ შესაძლებლობა ჰქონდათ, დაესვათ კითხვები და დეტალურად ესაუბრათ იმ გამოწვევებზე და შესაძლებლობებზე, რომლებიც ინოვაციური იდეების განვითარებას უკავშირდება.

ვიზიტი მოსწავლეებისთვის პრაქტიკული და ინსპირაციული გამოცდილება აღმოჩნდა, რაც მათ ტექნოლოგიების სამყაროში პირველი ნაბიჯების გადადგმის მოტივაციას მისცემს.

მოსწავლეები ნარჩენების მართვის ბიზნეს ასოციაციაში – ეკოლოგიურად მდგრადი მომავლისკენ

შ.პ.ს მჭევრიდამოუკიდებეი ბიზნეს სკოლის მე-8 და მე-9 კლასის მოსწავლეებმა გიორგი ორაგველიძის ორგანიზატორობით საგანმანათლებლო ვიზიტი განახორციელეს ნარჩენების მართვის ბიზნეს ასოციაციაში, სადაც მათ შესაძლებლობა ჰქონდათ, უფრო ახლოს გაცნობოდნენ ნარჩენების მართვის თანამედროვე მიდგომებს, ეკოლოგიურ გამოწვევებსა და მდგრადი განვითარების პრინციპებს.

ვიზიტის ფარგლებში ასოციაციისა და თბილისის მერიის წარმომადგენლებმა მოსწავლეებს გააცნეს ნარჩენების დახარისხების, გადამუშავებისა და მართვის თანამედროვე ტექნოლოგიები, ასევე ის კანონმდებლობა და საერთაშორისო სტანდარტები, რომლებიც ამ სფეროს არეგულირებს.

მოსწავლეებმა მოისმინეს პრეზენტაციები წრიული ეკონომიკის, მწვანე ბიზნესის მოდელებისა და ეკო-ინოვაციების შესახებ. ასევე, მათ პრაქტიკული მაგალითებით დაინახეს, როგორ შეიძლება ნარჩენების სწორად მართვა გარემოს დაბინძურების შემცირებისა და ბუნებრივი რესურსების რაციონალურად გამოყენებისთვის.

ვიზიტის ბოლოს გაიმართა მოსწავლეებს გადაეცათ სერტიფიკატები.

ვიზიტები მნიშვნელოვანია ახალგაზრდებისთვის, რადგან ისინი ხედავენ, როგორ მუშაობს ნარჩენების მართვის სფერო და რა როლი აქვთ მათ ეკოლოგიურად მდგრადი მომავლის შექმნაში.

ვიზიტი მოსწავლეებისთვის ინფორმაციული და ინსპირაციული აღმოჩნდა, რაც მათ გარემოსდაცვითი ცნობიერების ამაღლებასა და ეკოლოგიურად პასუხისმგებელი ქცევების ჩამოყალიბებაში დაეხმარება.

“იკითხე ხმამაღლა შეცვალე მსოფლიო” 📖📖📖📖დაწყებით კლასებში წიგნის საჯაროდ კითხვის დღესთან დაკავშირებით მოსწავლეები იმყოფებოდნენ სკოლის ბიბლიოთეკაში , მოსწავლეებმა წაიკითხეს საბავშვო მწერლების ნაწარმოები 📖📖📖📖📖📖და დაამზადეს წიგნისთვის სანიშნეები.
ღონისძიების მიზანი იყო:ხმამაღლა კითხვა, წაკითხულის გაგება-გააზრრბა, შემოქმედებითი უნარის განვითარება და მოსწავლეებში წიგნის პოპულარიზაცია.

ქ.თბილისის “მჭევრის”დამოუკიდებელი ბიზნეს სკოლის V კლასი სტუმრად საქართველოს ახალგაზრდულ აკადემიასთან SEU-ში.
🔹 გერმანული ენის პედაგოგი -თეა დევდარიანი.
🔹დამრიგებელი-ნინო მანწკავა.
📖 შეხვედრის მთავარი თემა იყო გერმანია🇩🇪 – მისი ისტორია 🏰,
ქალაქები 🏙️,
ლიტერატურა 📚,
მითოლოგია 🧙‍♂️ და
სპორტი ⚽.
🎄 განსაკუთრებით გამოირჩეოდა შობა-ახალი წლის ტრადიციების განხილვა,
რადგან ჩვენი შეხვედრა ამ დღესასწაულს დაემთხვა.
ბავშვებს განსაკუთრებით მოეწონათ გერმანული დღესასწაულების უნიკალური მახასიათებლები და სითბო, რაც ამ თემატიკას ახლავს. 🎁✨
✨ შეხვედრა იყო მრავალფეროვანი და საინტერესო –
სავსე ახალი ცოდნითა და შთაბეჭდილებებით. 🇩🇪
აღსანიშნავია ბავშვების ჩართულობა და აქტიურობა.

შემეცნებითი ლექცია უნივერსიტეტში SEU.

📚 შპს “მჭევრის” დამოუკიდებელი ბიზნეს სკოლის IV კლასი სტუმრად საქართველოს ახალგაზრდულ აკადემიასთან SEU-ში.
🔹პედაგოგი-მაია გვილავა.
🔹შემეცნებითი ლექციის თემა-მზის სისტემა.

მოსწავლეებს კოსმოსსა და მზის სისტემაზე სასიამოვნო და საინტერესო საუბარი ჰქონდათ! 🌌🌞

განვიხილეთ პლანეტები და მათი თანამგზავრები,
ციური სხეულები,
მათი სახელწოდებები და მნიშვნელობა. 🪐✨

აღსანიშნავია, რომ დედამიწაზე ზრუნვის მნიშვნელობა უკვე კარგად აქვთ გააზრებული პატარა ასაკიდანვე და პასუხისმგებლობით ეკიდებიან
,,დედამიწელობას”.

მესამე კლასის სტუმრობა ყინწვისში. აქტივობა – “ჩურჩხელების ამოვლება”

ჩვენი პატარების ექსკურსია კახეთში, მასტერკლასი “ჩურჩხელების ამოვლება”

შ.პ.ს “მჭევრის”დამოუკიდებელი ბიზნეს სკოლის მოსწავლეებმა მონაწილეობა მიიღეს თბილისის ზოოპარკის საგანმანათლებლო პროექტში “საქართველოს რეალური ბიომრავალფეროვნება”. გადაეცათ სერთიფიკატები.

დასრულდა თქვენი ცხოვრების ერთ- ერთი ხალასი, ლამაზი და უზრუნველი ხანა. დღეიდან თქვენს წინაშე ახალი ასპარეზი იშლება. გილოცავთ ამ ეტაპის დასრულებას და გისურვებთ ღირსეულ, წარმატებულ და მშვიდობიან მომავალს. იარეთ გამართულად, მხნედ და ემსახურეთ სამშობლოს, ოჯახსა და საკუთარ თავს, თქვენი ჭეშმარიტი ადამიანობითა და მაღალი პროფესიონალიზმით.

VII-ა კლასის მოსწავლეებმა წარმოადგინეს კომპლექსური დავალების პრეზენტაცია მათემატიკაში. კომპლექსური დავალების თემა იყო”ამოცანები და განტოლებები”. მათ დავალებული ქონდათ მოცემული განტოლებების მიხედვით შეედგინათ ამოცანები, რომლებიც აღწერს ცხოვრებისეულ (პრაქტიკულ) სიტუაციებს და ამოეხსნათ ეს ამოცანები. მოსწავლეებმა თავიანთი ნამუშევრები წარმოადგინეს სლაიდ-შოუს სახით, სადაც გამოავლინეს საკუთარი შემოქმედებითი უნარები და ინდივიდუალიზმი.. მოსწავლეებმა განამტკიცეს ცოდნა განხილული საკითხების მიმართ, რაც საფუძველი იქნება მათი შემდგომი განვითარებისა მათემატიკაში. ვუსურვებთ მათ წარმატებებს!

კოტე და სოსო წერეთლების მემორიალური სახლ-მუზეუმი.
საგანმათლებლო პროგრამა ,,აღმოსავლური ცივილიზაციის კვალდაკვალ”.
პროგრამა მოგვითხრობს უძველესი ცივილიზაციიების შესახებ,რომელთაც მნიშვნელოვანი კვალი დატოვეს კაცობრიობის ისტორიაში.

საქართველოს ნოდარ დუმბაძის სახელობის ახალგაზრდა ლიტერატორთა კავშირმა გამართა კონკურსი სახელწოდებით – ,, იქნებ ვაზია სამშობლო…”, რომელშიც მონაწილეობა მიიღო ,,მჭევრის დამოუკიდებელი ბიზნეს სკოლის” XI კლასის მოსწავლემ,ნინო აბრამიშვილმა.
დაჯილდოება გაიმართა 8 ივნისს,ქალაქ რუსთავში, სადაც ნინოს ნამუშევრები გამოარჩიეს და სიგელები გადასცეს.

12.06.2024 მე-5 კლასში განხორციელდა ინტეგრირებული პროექტი საგნების-” ჩვენი საქართველოს” და ხელოვნების ურთიერთთანამშრომლობით.პროექტის თემა იყო “საცხოვრებელი, თავდაცვითი და საეკლესიო ნაგებობები”(ქართლის, იმერეთის, სამეგრელოს,სვანეთის, აჭარის მაგალითზე).მოსწავლეებმა დიდი სამუშაო გასწიეს. მათ მოიძიეს ინფორმაცია,დაამუშავეს, დაახარისხეს, ააწყეს სლაიდები. ამასთანავე დაამზადეს საქართველოს სხვადასხვა კუთხეებისთვის დამახასიათებელი საცხოვრებელი , თავდაცვითი და საეკლესიო ნაგებობების მაკეტები. დამსწრე საზოგადოებას წარუდგინეს მოპოვებული ინფირმაცია და მაკეტები.
მასწავლებლები: ჩვენი საქართველო-მაკა კოშაძე.
ხელოვნება-ნატა გოგატიშვილი

“მჭევრის” დამოუკიდებელი ბიზნეს სკოლის V კლასელთათვის ჩატარდა მათემატიკური ვიქტორინა. კლასი დაყოფილი იყო 2 ჯგუფად. მოსწავლეები ეჯიბრებოდნენ ერთმანეთს ლოგიკური თუ სახალისო ამოცანების ამოხსნაში. ვიქტორინა დატვირთული იყო სხვადასხვა აქტივობებით: მათემატიკური თამაშები, გეომეტრიული ფიგურის გამოცნობა, ბლიც-შეკითხვები, მათემატიკური კროსვორდის შევსება და სხვა. მოსწავლეები დიდი მონდომებით იყვნენ ჩართულნი თითოეულ აქტივობაში და გააზრებულად პასუხობდნენ ამოცანების შეკითხვებს… ამ ღონისძიების შედეგად მოსწავლეები მეტად დაინტერესდებიან მათემატიკის საგნის შესწავლით, რაც საფუძველი გახდება მათი შემდგომი განვითარებისა ამ საგანში, ვუსურვოთ მათ წარმატება!